Pirtûkek taybet bi #Kurd#ên dûrxistî bo Xelxalê, ji aliyê dezgeha ragehandin a “Noxbêgan” ve hate çap û belavkirin.
Ligorî rapora gehiştî bi “Kurdistanmedia”yê, pirtûka “Civaka eşayirî ya Kurdên Xelxalê” (Kurmanc) ku ji aliyê Hesen Semedzade ve hatiye nivîsandin, çap û belav bû.
Kitêba navbirî derheq bi dûrxistina Kurdên herêma #Urmiye#, #Xoy# û Selmasê hatiye nivîsandin û nivîskarê vê dibêje ku pirtûka navbirî weke yekemîn berhema xweser e ku derheq bi mijarên têkilîdar bi dîroka civaka Kurdên Xelxalê hatiye belavkirin û tê de çawaniya jiyana madî û me’newiya eşîretên Kurd dixe ber bas.
Navbirî dibêje ku di vê pirtûkê de taybetmendiyên netewî, civakî, çandî û aborî ya wan di du qonaxên derbazbûyî û niha de dixe ber lêkolînê, û di dirêjahiya lêkolînê de jî, hewil hatiye dan ku derheq bi careke din zindîkirina çand û zimanê Kurmancî di vê herêmê de, pêngavek hatibe avêtin.[1]