ئەڵێی حەمامی ژنانە.
حەمامی ژنان جێگەیەکی تایبەت بووە، ژنان جگە لەوەی کە خۆیان شتووە، منداڵەکانیشیان شتووە، بەردەوام هاتوهاواری ژن و منداڵ لەلایەکەوە بووەستێ، لەلایەکی ترەوە، چەند کاژێرێک ژنان لە حەمامدا ماونەتەوە، خەنەیان داوە لەسەریان و شتوویانەتەوە، لەو ماوەیەدا گفتوگۆ و قسە دامەزراوە، هێندەی تر ناو حەمامەکە دەنگەدەنگی تێدا درووست بووە، پەندەکە بە کۆڕێک ئەوترێ کە هەریەکە لە ئاستی خۆی بە دەنگی بەرز قسەبکات، بێپەوەی کەس گوێی لە کەس بێت. [1]