فەلەک! ئەر مەرتەبەیێ بێت و وەفا کەی، چ دەبێ!؟
دەری شادی له دڵم دەفعەیێ وا کەی، چ دەبێ!؟
وەک دەکەی عاشقی سەرگەشته هەزارێ بێ ڕۆح
دەردەدارێ به کەرەم جارێ دەوا کەی، چ دەبێ!؟
من فوتادەم بە میحەن، تۆ بە غەزەب دێی و دەچی
وەختی گەردش نیگەهێ سوویی گەدا کەی، چ دەبێ!؟
حەق، حەقی کاهێ لە کۆه وەردەگرێ ڕۆژی حیساب
تۆ بە کۆهێ گونەه ئەر فیکری خودا کەی، چ دەبێ!؟
دڵ لە قەیدی ستەمت زارە بە دایم مەه و ساڵ
چەند ڕۆژێ بە وەفا تەرکی جەفا کەی، چ دەبێ!؟
ڕەسمی عاشق نییە (سالم) لە فەلەک شەکوە بکا
سەر و جان بۆ ڕەهی جانانە فیدا کەی، چ دەبێ!؟ [1]
#دیوانی سالم#
#سالم#