SEPANÊN ŞERÊ TAYBET Ê AKP
Li Hemberî Metodên Hatine Rûpêşkirin Ê Serweriya Zilam, Sekna #Jina Azad#
Kesayeta hevkar a ku AKP bi sepanên şerê taybet daye avakirin;
Dema ku sifeta hevkariyê hildigre çi Kurd be, çi Tirk ango ji welat û civakên cûda be, profîl û karê ku ew kes dike nayê guhartin. Di demên berê de faşîzma Tirkê Sipî û Gladyoya wî çi rîstê dabe hevkariya Kurd, Gladyoya Kesk ê AKP jî heman rîstê nexêr daye. Ferqa AKP ew e ku bi qasî ku bi pêvajoya kevin re neyê qiyeskirin li ser vê qadê pere razandiye û hevkariyê kiriye weke nîşaneya dewlemendiyê. Li beşên kardaran mêyze bikin, hûnê bi pêydebûnên ku bi îhaleyên ku di demekî kin de digrin kamran dibin û bi awayekê dêwasa mezin dibin re rû bi rû bimînin. Li beşa hûnermendan mêyze bikin, tu alîkariya ku ji Wezareta Çandê nagrin namîne, tu fonê ku naşxulînin nîne, li ser vê pêymanên rêzefîlm û konseran jî zêde dikin. Li kesên ku rojnamevantiyê, nivîskariyê weke çêrkirinê dibînin û tu kalîteya wan nîne mêyze bikin, bi peymanên milyon dolarî qûncikan, bernameyên nîqaşan parvekirine. Li ser her kêsê vê didin ferzkirin ku ‘an tê bi me re bî an jî tê li dijberî me bî’. Di beşên ku helandina nirxên civakî dijîn, heqîqeta xwe wenda kirine de ev ferzkirin û teklîfa madî bi vê awayê pêk tê.
Li hemberî xeta hevkariya Kurd nêzîkatiya AKP jî di vê wateyê de berfireh bûye. Di vê mijarê de alîyekî ve olê dike amûr, ji aliyekî din ve jî bi bikaranîna sermaye û Kurdîtiya PDK’ê, hewl daye li Kurdistanê qada xwe ya bandorê firehtir bike û berhevkirin û niqandinên nû ava bike. Qenalên weşanê yên mîna TRT-6 û Rudaw’ê, weke çavkaniyên xwedîkirina xeta hevkariya Kurd rolekî girîng hilgirtine. Di nav avahîbûna desthilatdariyê de hevkarên mîna Mehmet Şîmşek, Cevdet Yilmaz û Mehdî Eker di asta wezîrtiyê de hatine girtin, bi vê awayê hatiye xwestin ku Kurdan bandor bikin û li ser vê bingehê têgihekî erenî bidin avakirin. Herî dawiyê hat xwestin ku bi taqwiyeya Metîner, Mîroglu û Kizilkaya ev ekîb were temamkirin. Tê xwestin ku Kurdê hevkar li hemberî Kurdê azad weke modelekî were pêşkeşkirin. Di pêvajoya desthilatdariya AKP’ê de vîtrîna vê her tim hat guhartin, hîn kes demekî hatin şixulandin û piştre hatin avêtin, siyaseta ku cewhera wê hevkarkirin e her tim di meriyetê de hat girtin. Di rewşa heyî de Kurdên hevkar xwedî derfetê li ser navê hemû Kurdan axiftinê nîn in, lê weke devên Kurd ên êriş dibe ser azadiya Kurdan, bikar anîna wan mijara gotinê ye. Kurdê AKP ew e ku, Kurdê qirêj ê ku beşdarî sûcên şerê taybet ê li ser Kurdistanê bûye, beşdarî karên fihûş, dizî, madeyên hişbir bûye. Di rewşa niha de AKP ne partiyekî siyasî ye, rêxistinekê sûc û terorê ye. Weke ku gelek caran hatiye destnîşankirin, Kurdên ku ewqas beşdarî karên qirêj bûne weke çeperê AKP’ê rîst diliyzin û bê guman sûcdar in û divê bedelê vê yekê hebe. Raya xwe dayîna partiyekê bi vê awayê jî, ji van sepanan re hevkarbûn e. Divê bedelê raya xwe dayîna AKP hebe. Avahiyên hevkar ên bi salan e dewletê, dijminên Kurd, dijminên azadiya jinan li ser pişta xwe hildigrin, astengiyên herî mezin ên Kurdistanê ne, amûrên sepanên şerê taybet in. Mînak li gel hemu diziyên AKP, pereyê ku ji bo şerê li Kurdistanê tê herckirin pir gewre ye. Gelên li Tirkiyê di bin sînorê birçîbûnê de dijî.
Aloziya aborî ya ku bi salan e berdewam dike li holê ye û dewlet hîna li ser piya ye; ji ber PDK petrola ku ji Başûrê Kurdistanê didize bi rêyên ne zagonî dide dewleta Tirk. Milyonan dolarê PDK li gel dewleta Tirk e. Bi heman awayê Başûrê Kurdistanê vegeriyaye navendekî ku perê reş lê pak dibe. Li Başûrê Kurdistanê piraniya şirîkeyên aborî bi armnaca vê rîstê li wê derê ne. Ev şirîkeyên girêdayî MIT û artêşê ne. Başûrê Kurdistanê di warê aborî de hatiye dagirkirin. Dewleta Tirk dixwaze Têkoşîna Azadiya Kurdistanê li ser rêxistinên mîna PDK paş de bikşîne. Di encamê de ENKS rêxistinbûna PDK ya li Rojava ye, di dagirkeriya Efrînê de pêşmergeyên girêdayî wan bi çeteyên Tirk re tevgeriyan. PDK bi dijminan re rûdinê, operasyonên ku li hemberî qadên gerîla hatine pêşxistin, di warê leşkerî de ji bo dagirkeriyê vekirina Başûrê Kurdistanê, derdixe holê ku hevkarî çi ye û encamên wî çi ne.
Dema ku em van hemuyan digrin ber çavan, têkoşîna azadiyê ya li Bakûrê Kurdistanê dimeşe û li hemberî vê sepanên şerê taybet ê ku hêzên desthilatdar bigeh digre, pêşketinên ku bi awayekî rasterast tevahiya Kurdistanê bandor dike jî derdixe holê. Ji ber ku dewleta Tirk ji aliyê netew-dewletên heremî ve li pêy bûyîna modelê ye û ji ber ku dema mijar dibe Kurdbûyîn neçariya tîfaqa bi van hêzan re derdikeve holê, polîtîqayên ku li hemberî Kurdistanê hatine pêşxistin jî bi giştî bûye. Têkoşîna azadiyê ya ku çil salan zêdetir e tê meşandin, van hemu êrişan vala derxistiye û bi mezinbûna berxwedaniyê tevgera me kiriye hêzekî heremî. Komploya Navnetewî ya ku pengava herî mezin ê şerê taybet e û heta dîlgirtina Rêbertiya me jî, bi berxwedaniya mezin ê Rêbertiya me û pêşengtiya wî ya muezem vala hatiye derxistin. Di çariya destpêkê ya sedsala 21’emîn de derketina paradîgmal a Rêbertiya me, formula netewa demokratîk û modela rêxistinbûna konfederal, alternatîfa pêşeroja sedsalê ye. Armancên bê hêvîkirin, wendakirin û bi binkeftinê bi encamkirina serhildana 29’emîn a bi dîlgirtinê hatibû armanckirin, bê encam maye. Lê ji meriyetê derneketiye. Di vê wateyê de rast penasekirina şerê taybet û li ser vê axê bi pêşengtiya jinê vala derxistina şerê taybet armanca me ya sereke û bingehîn e. Di beşa têkoşîna li dijî şerê taybet de, hîn bi awayekê şênber nirxandina têkoşîna li dijî van girîng e.[1]