بەناوی خودای گەورە و میهرەبان
بە باوەڕبوون بە قەزا و قەدەری خودای گەورە، بە داخ و پەژارەیەکی زۆرەوە ئەمڕۆ شێخ حەمیدی دەهام هادی ئەلجەربای شێخی هۆزی شەممەڕ لە سووریا کۆچی دوایی کرد و بەویستی خودای گەورە لەنێو خۆشەویست و دۆستانی لە کوردستان ماڵئاوایی لێکردین.
کۆچکردوو دۆستێکی دێرینی ئێمە و گەلەکەمان بووە، بە درێژایی تەمەنی کاری بۆ پتەوکردنی پەیوەندییەکانی نێوان عەرەب و کورد لە سووریا و ئێراق کردووە.
بەم بۆنە خەمناکەوە سەرەخۆشی لە خۆمان و خانەوادەکەی و هۆزی شەممەڕ دەکەین، و لە خودای گەورە دەپاڕێینەوە خوالێخۆشبوو بە بەهەشتی بەرینی شاد بکات و سەبر ئارامی بە ئێمە و خانەوادە و هۆزەکەی ببەخشێت. [1]
انا للە وانا الیە ڕاجعون
# مەسعود بارزانی#
11ی تشرینی دووەمی 2022ی زایینی