پەلاماردانی جووتیارانی کورد لە سنووری شارۆچکەی #داقوق#ی سەر بە پارێزگای #کەرکووک#، مایەی ئەوپەڕی نیگەرانییە. داوا لە بەڕێزان سەرۆک کۆماری ئێڕاق و سەرۆک وەزیران و سەرۆکی ئەنجومەنی نوێنەرانی فیدراڵ دەکەم بەپەلە کۆتایی بە پەلاماردان و دەستدرێژیکردنە سەر جووتیارانی کورد لە سنووری داقوق و ناوچەکانی دیکەی کەرکووک بهێنن کە لەلایەن کەسانی دەست ڕۆیشتووەوە ئەنجام دەدرێت و بە شێوەیەکی نایاسایی هەوڵی دەرکردنی کورد و دەست بەسەرداگرتنی زەویەکانییان دەدەن.
ئەم ڕەفتارانە دژی بنەماکانی بەیەکەوە ژیانی ئاشتییانە و بڕگەکانی ماددەی 140ی دەستووری هەمیشەیی ئێڕاقن و پێویستە دەزگا پەیوەندیدارەکانی حکومەتی فیدراڵ، سنوورێک بۆ ئەم پێشێلکارییانە دابنێن. [1]
#مەسرور بارزانی#
سەرۆکی حکومەتی هەرێمی کوردستان
#07-12-2022#