لە ئەنجامی ئەو گفتوگۆیانەی کە بەشێوەیەکی نهێنی لەنێوان #پارتی دیموکراتی کوردستان# و #یەکێتیی نیشتمانیی کوردستان# ئەنجامدراون، پارتی دیموکراتی کوردستان بەشێوەیەکی سەرەتایی ڕەزامەندی نیشانداوە لەسەر چەند ئاڵوگۆڕێکی وزاری لە پشکی یەکێتی لە کابینەی نۆیەمی حکومەتی هەرێم.
بەهۆی ئەو نێوەندگیریانەی لەنێوان پارتی و یەکێتی ئەنجام دراون، هەر یەک لە پارتی و یەکێتی بەشێوەیەکی سەرەتایی ڕێککەوتوون لەسەر ئەنجامدانی سێ گۆڕانکاری لە پۆستەکانی یەکێتی نیشتیمانی کوردستان.
پارتی دیموکراتی کوردستان ڕەزامەندی نیشانداوە لەسەر گۆڕینی وەزیری پێشمەرگە و بریکاری وەزیری ناوخۆ و وەزیری هەرێم بۆ کار و باری #بەغدا#. بەهۆی ئەو ڕەزامەندییانەی پارتی دیموکراتی کوردستان، تیمی یەکێتی لە حکومەتی هەرێم گەڕاونەتەوە بۆ کۆبونەوەکانی ئەنجومەنی وەزیران. [1]