Parêzerekî Kurd li herêma #Efrîn#ê ya Rojavayê Kurdistanê, di bin îşkenceyê de hat kuştin.
Çavkaniyeke taybet ji bajarê Efrînê, ji Rûdawê re ragihand ku parêzerê bi navê Luqman Hemîd Henan ku berî du rojan ji aliyê grûpên çekdar ên ser bi Tirkiyê ve hatibû revandin, îro Pêncşemê 22ê Kanûna 2022yan, cenazeyî wî radestî malbata wî hat kirin.
Heman çavkaniyê diyar kir ku Luqman Henan Hemîd, “serê vê sibê bi îşkenceya di zîndaneke îstixbarata Tirkiyê li Efrînê de jiyana xwe ji dest daye.”
Luqman Henan xelkê gundê Hec Qasima yê navçeya Mabeta ya Efrînê ye û temenî 45 salî bûye û li taxa Mehmûdiyê yê bajarê Efrînê rûdinişt.
Luqman Henan beriya niha jî ji aliyê çekdarên grûpa Sultan Murad ve hatibû girtin û piştî çend mehan bi fidyeyê hatibû berdan.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (Kurmancî) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet bi zimana (Kurmancî) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە 2,021 جار بینراوە
ڕای خۆت دەربارەی ئەم بابەتە بنووسە!