ڕێژەیەکی زۆر لە خەڵک تووشی خەمۆکی وەرزی دەبن، هۆکارەکەش گۆڕانی کەشوهەوایە لە وەرزی زستان و پاییز، لەگەڵ ئەوەی چەند ڕێگەیەکی جیاواز هەیە بۆ چارەسەری ئەم دۆخە، لەگەڵ ئەوەشدا خۆراک بەشێکی گرنگیی پڕۆسەی چارەسەرە، ڕۆڵی هەیە لە کەمکردنەوەی نیشانەکانی و باشترکردنی باری دەرونی.
بە چەند خۆراکێک دەتوانیت باری دەروونیت باشتر بکەیت.

1- سەوزە گەڵاتۆخەکان
دەوڵەمەندن بە ڤیتامین و کانزا، خواردنیان فشاری دەروونی و دڵەڕاوکێ کەمدەکاتەوە، هۆکارە بۆ باشتر کارکردنی مێشک.
2- پڕۆتین
کەمی پڕۆتین لە جەستەدا هۆکارە بۆ ئەوەی تووشی خەمۆکی ببیت یان نیشانەکانی زۆرتر دەربکەون و تووشی میزاجی بوون دەبیت، دەتوانیت لە ڕێگەی خواردنی گۆشت، هێلکە و سەوزە، بڕی پێویست لە پڕۆتین بەدەستبهێنیت.
3- پاقلەمەنییەکان
یارمەتی مێشک دەدات سیرۆتۆنین بەرهەمبهێنێت، ئەمەش وادەکات زیاتر هەست بە دڵخۆشی بکەیت.
4- شوکوڵاتەی ڕەش
چارەسەری سرووشتی دژە خەمۆکییە، هۆکارە بۆئەوەی هەست بە دڵخۆشی بکەیت.
5- مۆز
ئاسوودەیی بە جەستە دەدات و هەستی خەمۆکی، دڵەڕاوکێ و فشار کەمدەکاتەوە. [1]