لە سەروبەندی جەژنی کریسمەسدا!
#ئازاد کەریمی#
عیسا، یەکێک لە منداڵەکانی ئیبراهیم، لە شەوێکی وەک ئەمشەودا لە دوو هەزار و بیست و سێ ساڵ
لەمەوبەر لەدایک بووە، بەپێی ساڵنامەی ڕۆمی کاتۆلیک. عیسا جوولەکەیەکی دیندار بووە و لە
سەردەمێکی دیاریکراودا لەدایک بووە. لەو کاتەدا جیهان لەنێوان دوو جەمسەری تۆتێمیزمی ڕۆمی و
مەزداییسمی ئەشکەنازیدا دابەش کرابوو... ئەو خاکەی عیسا لێی لەدایک بووە، پارێزگای یەهودا لە
شام ی گەورە، لەلایەن ڕۆمییەکانەوە داگیرکرابوو. جەنگاوەرانی ئەشکەنازی کە بە زمانی لاتینی
پێیان دەگوترا پارتییەکان، تیرهاوێژان و کەواندارانی لێهاتوو بوون کە ڕۆمەکانیان لە کیلیکیا یان
ئەودیوی فرات وەستاند. هەروەها لە شەڕی حەران لە ساڵی 53 پێش زایین ژەنەراڵی گەورەی ڕۆمی
واتە کراسوسیان شکست پێهێنا و لە زاخۆ کوشتیان. سەرکردەی سوپای ئەشکەنازییەکان ناوی سۆران
بوو، شاهەنشای ئەشکەنازیش ناوی هەروتا بوو. [1]