سەرۆکی پەڕڵەمانی کوردستان لەبارەی هێرشکردنە سەر کچێک لە لایەن چەند گەنجێکەوە پەیامێکی بڵاوکردەوە و ڕایگەیاند، گەر بەو ڕووداوە ڕانەچڵەکێن دەبێت چاوەڕوانی مردنێکی خێرابن. د. #ڕێواز فایەق#، سەرۆکی پەڕڵەمانی کوردستان ڕایگەیاند: ئەو نێرانەی وەک دڕندە پەلاماری کچێک دەدەن بەرهەمی ئەو خیتابە بەربەریەن کە ڕۆژانە بە پلان و بەڕێکخراوەیی بەرانبەر ژن و کچی ئەم هەرێمە بەڕێوە دەچن. ئاماژەی بەوەشکردووە: دەسەڵات و کۆمەڵگەیەک ئەم بەربەریەتە ڕاینەچڵەکێنێت دەبێت چاوەرێی مردنێکی خێرابێت. هاوکات پۆلیسی #سلێمانی# دەستگیرکردنی ژمارەیەک تۆمەتباری بە هێرشکردنە سەر کچێک لە گەڕەکی #هوانە#ی سلێمانی ڕاگەیاند و لێکۆڵینەوە لەگەڵیان دەستیپێکردووە. [1]