باخچێوە بېگەرد
ئەوەنویستەی و دەسکاریکەرڎەی: ئەسعەد ڕەشید
بەشۍ سەڎ و پەنجا و دوەمە
جە پاداشتو مۊچیاریەکاش، کافرە قوڕەیشیەکۍ پەلامارەو محەمەدیشان دا، ئاڎییچ دەسوو نزێش پەی ئاسمانی هۊربڕی، ئەپی تەعرە:
هەر ئەوەند دۊعا بکەرۊ لېشان
خوڎاوەند بەو تەور نمانا پېشان
واتش: یا عەلیم ئاگات جە حاڵم
ڕای ئینتیقام گیر، مەزڵووم جە زاڵم
قەبیلەی قوڕەیش زۊرش ئاوەردەن
زوڵمشان جە حەڎ حیساب وېیەردەن
فەنادەر فیرقەی ئەهلی بەدیعە
ئەوەڵین عەتبەی ئیبنی ڕەبیعە
سانی ئەبو جەهل گومڕای بن هیشام
موسەلەت بېیەن پەی ئەهلی ئیسلام
سالیس عەقەبەی ئیبنی موعیت
چوارەم ئەبو لەهەب ساریقەتلبەیت
ئوبەی بن خەڵەف ئومەییەی بن خەلەف
وە شاڎی جامی مەی مەگېران وە کەف
هەر شش وە لەعنەت حەقق گرفتابان
وە مەودای شمشېر لەتار لەتار بان
جە دەعوای بەدری ڕوزی ڕەستاخېز
هەر شش بین وە دەم توعمەی تېغی تېز. [1]