پێناسەی تەرجیعبەند
بە فارسی: (ترجیعبند) (ترجیعبند)
ئەم قاڵبە لە سەدەی شەشەمی کۆچیدا هاتووەتە ئاراوە و لە سەردەمی پاشای سەفەوەییەدا بەتایبەت لە کاتی بەزۆر بە شیعەکردنی ئێرانیاندا لە لایەن سەفەوییەوە، لەگەڵ قاڵبی تەرکیببەند زۆرتر لە حەوت بەنددا دەبێت، زیاتر بۆ ڕەوزەی ئیمامانی شیعە دەگوتران و بە ئەوج گەیشت. تەرجیع و تەرکیب چەند غەزەلی بە یەکەوە لکان کە بەیتێ بەیەکیانەوە دەلکێنێ، کە ئەگەر بەیتەکە دووپات کرێتەوە دەبێتە تەرجیعبەند و ئەگەر بگۆڕدرێ دەبێتە تەرکیببەند. لە دیوانی چاپکراوی حەمدیدا ئەمەیان نەزانیوە و هەر بەندێک بە شێعرێک زانراون، بەڵام من هەمووم خستنەوە سەریەک.
حەمدی (4) تەرجیعبەندی بە قەوەتی هەیە بە بڕوای من حەمدی دەگاتە ئەو شاعیرەی کە لە ئەدەبی کوردیدا ببێتە گەورەترینی شاعیری قاڵیشناس و لە زۆربەی قاڵبەکاندا بە پسپۆڕی خۆی تاقی کردۆتەوە. یەکێ لە تایبەتمەندییەکانی تەرکیب و تەرجیع ئەوەیە ئاخری غەزەلەکان دەبێ لەگەڵ سەربەندەکە پەیوەندی هەبێت دەنا سەرکەوتوو نابێ.
بە هەستکردن بەم مەرجە تەرجیعەکانی حەمدی لەو پەڕی بەقوەتیدایە.
#محەمەد سەعید نەجاڕی (ئاسۆ) # [1]