لیوا ئەیوب یوسف پەیامێک بۆ کۆسرەت ڕەسوڵ عەلیکۆسرەت ڕەسوڵ عەلی دەنووسێت
دەقی پەیامەکە:
کاک کۆسرەت.. تۆ بۆ ئێمە قەڵایەکیت لە هێز و ورە و نموونەی ئازایەتی و کۆڵنەدانیت.
داستانی سەری ڕەش و دێگەڵە شاهیدی ئەو ڕاستییە دەدەن کە تۆ شێر بوویت، شێرەکەی هەولێرهەولێر وەک سەرۆک مام جەلال تاڵەبانیجەلال تاڵەبانی دەیفەرموو.
ئێستاش بۆ ئێمە سەرمەشقی هەوڵدان و تێکۆشانیت و ناوت لە دڵماندا زیندووە.
ئێمە خوێندکاری ئەو ڕێبازە جوان و پیرۆزەین کە جەنابتان داهێنەر و پارێزەر و مامۆستای بوویت، ئێستاش بەڵێنت بۆ دووبارە ئەکەینەوە بەهەمان هێز و توانا و بە هەمان نەفەسی جاران و سەردەمی شۆڕش و کوردایەتی و خەباتی سیاسی و سەربازی سەردەمی شاخ لەگەڵتین و بۆ بەرەو پێش بردنی وڵاتەکەمان و خزمەت کردنی خەڵکی کوردستان گیان لەسەر دەست وەستاوین، بەڵێن بە خوێنی شەهیدەکانمان ئەدەین پارێزەری سەر و ماڵ و خاکی کوردستان بین و یەکێتیی نیشتمانیی کوردستانیەکێتیی نیشتمانیی کوردستان بکەینە ئامڕازێک بۆ بەرقەرار کردنی ئاشتی و ئاوەدانی و خۆشگوزەرانی خەڵکی کوردستان، یەکێتی بکەینەوە بە یەکێتیەکەی جاران. [1]