#بافڵ تاڵەبانی# سەرۆکی #یەکێتیی نیشتمانیی کوردستان# بۆ کۆچی دوایی خاتوو (حەلاوە عەبدولڕەحمان) هاوسەری کاک مستەفا مامە ڕەزای #کەڵکەسماق# ڕابەری کۆچکردووی بزووتنەوەی حەقە و دایکی هەردوو پێشمەرگەی دێرین عەبدولڕەحمان و سەربەست، پرسەنامەیەکی ئاڕاستەی خزمانی کەڵکەسماق و بزووتنەوەی حەقە کرد.
دەقی پرسەنامەی سەرۆک بافڵ:
‎بەڕێزان و خزمانی کەڵکەسماق و بزووتنەوەی حەقە
‎بەداخێکی زۆرەوە هەواڵی کۆچی دوایی خاتوو (حەلاوە عەبدولڕەحمان) هاوسەری کاک مستەفای مامە ڕەزای کەڵکەسماق، ڕابەری کۆچکردووی بزووتنەوەی حەقە و دایکی هەردوو پێشمەرگەی دێرین عەبدولڕەحمان و سەربەستمان پێگەیشت.
‎بۆئەم خەمە گەورەیە پرسە و سەرەخۆشی ئاڕاستەی ئێوە، کەسوکار و بنەماڵە سەربەرز و تێکۆشەرەکەتان دەکەم.
‎لەخوای گەورە داواکارم کۆچکردوو بە بەهەشتی بەرین شادبکات و سەبووری و ئارامی بە هەموولایەک ببەخشێت. [1]

‎دڵسۆزتان
‎بافڵ تاڵەبانی
‎سەرۆکی یەکێتیی نیشتمانیی کوردستان