باخچێوە بېگەرد
ئاماڎەکەرڎەی: ئەسعەد ڕەشید
بەشەی سەڎ و هەشتا و حۆتەمە
قوڕەشیەکۍ میانو وېشانە کەوتۍ واتەو گۊشگېرتەی، واتشان ئی کارو ئی حاڵە فرە سەختەن، چەنی کریۊن ئېمە چېگەنە بە وەشی بژیومۍ، بەڵام ماموزێکېما جە بەنی هاشم یەرۍ ساڵېن حەبسېما کەردېنۍ و ژیوایشا گولەن، مەشۊم چارەو ئی وەزعۍ بکەرمېن، دیارەن قوڕەیشییەکې بە گیانێ خېڵەکی و عەشرەتگەری ویژدانشان جمان، نەک بە گیانێ ئایینی، چوونکوم ئاڎې هەر موشرېکې بېنې، بەڵام ئانەشان قبووڵ نەکەردەن کە قۆمەکېشا جە ناڕەحەتی و کولەمەرگینە بژیوان.
چەو دما هیشام بن عەمروی حاریس
چەنی هاشمی نزیک بین واریس
شیی وە لای زوبەیر بەنی ئوم مەخزوم
وات: بەنی هاشم یارانی مەزڵووم
سێ ساڵەن مەحبووس قەومی قوڕەیشەن
بۍ نەوا و فەقیر بۍ عەیش و نوشەن
بە چە مەزهەبێ ڕەوان ئەی کارە
نەڎیەنم بە چەم من ئەی کردارە
قەتعی سیلەی ڕەحم هیچ کەس نەکەردەن
ئەگەر کریابۊ مەگەر بە مەردەن
ئېمە گرد لیباس ڕەنگین بپوشین
توعمەی ئاوی سەرد پەی پەی بنوشین
ئەتفالی ئەوان جە بەڎ ئیقباڵی
شەکەمشان بیەن وە مەشکەی خاڵی
گرد وە دەردی جووع گرفتار بیەن
بە خوڎا یە ئینساف وە مروەت نیەن
ئەگەر ئەبوجەهل گومڕای بەنی هیشام
جە تۊ نزیکتەر مەبی وە ئیسلام
ئەو فیرعەونی وەقت حەقق جەی بېزارە
قەبووڵ نمەکەرۊ هەرگیز ئەی کارە
بادا من و تۊ هەر وەی قەوامە
بشین پارەکەین ئەو لەعنەتنامە.[1]