ئانەی دەسۍ نەکېشۊ، قاچېچ هۊرمەکېشۊ.
پاشێوە، چەنی چن خزمەتکار و چەکدارێش دلۍ ئاوایینە گوزەرێشان کەرد، هەر یاگێ یاوېنۍ خەڵکی، بەرزەپای ڕاسۍ بېنێ، دەسگېرېنۍ سینەشاوە، ئیحتیرامشا گېرېنۍ، پاشا و پیێکېش یاوێ گوزەرێ، سەرو ڕێکېشاوە سوفیێ ڕووتەڵەی فەقیر نیشتەبېرەو قاچېش کېشتېبېنېرە، وەختێ پاشا وەردەمشەرە گوزەرش کەرد، سۊفی هیچ وېش تېک نەڎا، پاشا فرە قەڵس بیی، پیێوەش کیاست پەی لایش، پەنەش وات: ئانە چی کە پاشا پېگەرە تەشریفش بەرد، هەر هیچ نەبۊ قاچېت هۊرنەکېشتۍ؟
سۊفیچ ماچۊ: بە پاشای واچە:
ئانەی دەسۍ نەکېشۊ، قاچېچ هۊرمەکېشۊ.[1]