پزیشکێکی پسپۆڕی بواری نەخۆشییەکانی دەم و ددان لە ئەڵمانیا دەڵێت: دڵەڕاوکێ کاریگەریی نەرێنی زۆر خراپی لەسەر تەندرووستیی ددانەکان هەیە و تووشی هەوکردن و داخورانیان دەکات و بەو هۆیەوە ئەگەری وەرین و کەوتنیان زیاتر دەبێت.
جۆچن شمیت پزیشکی ئەڵمانی پسپۆڕی بواری نەخۆشییەکانی دەم و ددان ئاماژەی بەوەکردووە، فشاری دەروونیی کاریگەریی نەرێنیی لەسەر ددانەکان هەیە، بەوپێیەی دەبێتە هۆی کەمی دەردانی لیکی ناودەم کە پێکهاتەی بە نرخی تێدایە لە شێوەی کانزاکان کە مینای ددان دەپارێزن، بەرگری گڵۆبۆلین کە مادە نەخۆشخوازەکان دەکوژن ئەو مادانەی دەبنە هۆی تووشبوون بە نەخۆشیی، هەروەها پرۆتینەکان کە ددانەکان لە وەرین و داخوران دەپارێزن.
ئەو پزیشکە ئەڵمانییە باسی لەوەکردووە، دڵەڕاوکێ و شڵەژانی دەروونیی سیستەمی بەرگریی جەستە لاوازدەکات و مەترسیی تووشبوون بە هەوکردنەکانی پوک و بروکسیزم زیاتر دەکات.
ئاماژەی بەوەشکردووە، بۆئەوەی بەرەنگاریی دڵەڕاوکێ و نائارامیی دەروونیی ببینەوە پێویستە پەنا ببەینەبەر تەکنیکەکانی پشودانی وەک یۆگا و ڕامانی دەروونیی، یان پەنابردنەبەر چارەسەری دەروونیی بەتایبەت کاتێک بەدەست دڵەڕاوکێی بەردەوامەوە دەناڵێنیت. [1]