ناڤ: عەبدولڕەحمانێ شەرەفکەندی
ناسناڤ: هەژار موکریانی
ناڤێ بابێ: حاجی مەلا محەممەد
ڕۆژا ژ دایکبوونێ: #05-04-1921#
ڕۆژا مرنێ: #21-02-1991#
جهێ ژ دایکبوونێ: #مەهاباد#
جهێ مرنێ: کەرەج - ئێران
$ژیاننامە$
ناڤێ وی عەبدولڕەحمان شەرەفکەندییە و ل #5-4-1921# ل باژارێ مهابادێ ژ دایکبوویە و خواندییە. ئەندامەکە چالاکێ کۆمارا دیمۆکراتا مهابادێ، بسەرۆکاتیا #پێشەوا قازی# محەممەد ( #22-01-1946#) بوو. پشتی ژناڤچوونا کۆمارێ، ل ساڵا 1947 چوویە #سلێمانی#ێ و پاشان ل باژارێ بەغدا ئاکنجی بوویە و ل پاییزا 1948 بۆ چارەسەرکرنا وێ نەساخیا خوە کو «سل» بوو، دچیتە وەڵاتێ لوبنانێ (23-11-1948 تا 13-11-1950) و ل ساڵا 1950 ڤەدگەڕیتە بەغدا. ل هاڤینا ساڵا 1956 تا 1958 ل کوردستانا بندەستێ سوریادا دمینیت. ل مارتا 1963 دا دچیتە ڕێزێن شوڕەشێ و نێزیکی بزاڤا ڕزگاری خوازا بارزانی دبیت. ل هاڤینا 1946 ڤەدگەڕیتە بەغدایێ. ساڵا 1966 دیسان دچیتە پاڵ شوڕەشێ ڤە. لدەمەکێ کو ڕێکەفتناما 11ێ ئازارا 1970 دناڤبەرا سەرکردایەتیا شوڕەشا کورد و میرێ ئیراقێ دا هاتە مۆرکرن، ب مەرەما ڕێکخستنا کاروبارێن ئێکەتیا نڤێسەرێن کورد کو ژ نوی ل 10-2-1970 هاتبوو دامەزراندن دهێتە فڕێکرن بۆ بەغدایێ، ل کۆنگرەیا وێ ئێکەتیێ دا بسەرۆکێ دەستەیا ڕێڤەبەر هاتە هەلبژارتن و د هەمان دەم دا دبیتە ئەندام ل «کۆڕا زانیاریا کورد» و کاری ل ساڵا 1972 ێ پەرتووکا #شەرەفنامە#یا «شەڕەفخانێ بتلیسی» ژ زمانێ فارسی وەربگێڕیتە سەر زمانێ کوردی و ل چاپخانەیەکا باژاڕێ نەجەفێ لسەر ئەرکێ «کۆڕا زانیاریا کورد» چاپ بکەت.
$بەرهەمێن بەلاڤکری$
1- دیوانی هەژار بۆ کوردستان- 1965
2- بەیتی سەمەڕ - ل ساڵا 1957 ل شامێ چاپکریە
3- هۆزی لەبیرکراوی گاوان - ژ عەرەبیێ کریە کوردی، ژ نڤێسینا دکتۆر مستەفا جەواد
4- دیوانا شێخ ئەحمەدی جزیری، دەق و ڕامان و لێکدانەڤە
5- فەرەنگی #هەنبانە بۆرینە#، کوردی - کوردی - فارسی ل ساڵا 1995 هاتییە چاپکرن
6- پەڕتووکا #چێشتی مجێور# - (ژ یاداشتێن وی ب خوە)
7- وەڕگێڕانا #قورئان# بۆ سەر زمانێ کوردی
8- وەڕگێڕانا قانون در طب ژ عەرەبی بۆ فارسی
9- #کۆشکی بلوورین#
وەڕگێڕانێن دی ێن مامۆستا هەژاری وەڕگێڕانا «آثار البلد» و «اخبارالعباد» ا «زکریا قزوینی» ل عەرەبی بۆ فارسی. «تاریخ سلێمانیە»، «ئاڵە کۆک»، «برگ سبز»، «مەم و زین» (ژ کرمانجی بۆ سۆرانی)، شەرەفنامەیا شەڕەفخانێ بدلیسی ژ فارسی بۆ کوردی. هەروەسا وەرگەڕانا ڕباعیێن عومەر خەیامی، مێژوویا ئەردەڵان (تاریخ خاندان اردلان). ل 21 شباتا ساڵا 1991 د ژیێ حەفتێ ساڵیێ دا دچیتە بەر دلۆڤانییا خودێ و ل باژارێ مهابادێ هاتیە ڤەشارتن. [1]