بەپێی ئەو پێشنیازەی جڤاتەکانی #بزووتنەوەی گۆڕان# ئاڕاستەی کوڕەکانی #نەوشیروان مستەفا#یان کردووە، چارەسەرکردنی کێشەکانی بزووتنەوەکە دەدرێتە دەست لیژنەیەک.
کە هەردوو جڤاتی گشتی و نیشتمانی گۆڕان، لە وەڵامی نامەکەی کوڕەکانی نەوشیروان مستەفا ڕێکخەری کۆچکردووی بزووتنەوەکە چیا و نما، پێشنیازیان کردووە، چارەسەری کێشە ناوخۆییەکان بدرێتە دەست لیژنەیەک.
لیژنەکە لە هەرسێ بەرەی سەرکردە ناڕازییەکان و بەرەی کوڕانی نەوشیروان مستەفا و بەرەی سەرکردەکانی گۆڕان پێکبهێنرێت.
بە قسەی سەرچاوەکە، ناوەرۆکی پێشنیازەکە وایە ئەندامانی لیژنەکە لە شەش بۆ نۆ کەس بن، کە کار بۆ چارەسەری کێشەکان و ڕێکخستنەوەی بزووتنەوەی گۆڕان بکەن. [1]