ناونیشانی بابەت: زانکۆیەکی ئیتاڵی شوێنەوارەکانی دهۆک دەپارێزرێت
ئامادەکردنی: #سارا سەردار#
لە درێژەی پاراستنی شوێنەوارەکانی هەرێمی کوردستان و بە تایبەت پارێزگای #دهۆک#، زانکۆیەکی ئیتاڵی، چەندین شوێنەوار لە سنووری پارێزگای دهۆک ڕزگار دەکات و دەپارێزێت.
د. بێکەس بریفکانی، بەڕێەربەری شوێنەوار و کەلەپووری دهۆک لەمبارەیەوە دەڵێ: زانکۆی پالێرمۆی ئیتاڵی، گرێبەستێک لەگەڵ بەڕێوەبەرایەتی شوێنەوار و کەلەپووری دهۆک واژوو کردووە بۆ ئەوەی لە سنووری پارێزگای دهۆک چەندین کاری پاراستن و نۆژەنکردنەوەی شوێنەواری ئەنجام بدات، هەروەها دەڵێ: زانکۆی ئاماژە پێکراو لە ناو بەندای موسڵدا چەندین شوێنەواری دەستنیشان کردووە بۆ ئەوەی کاریان لەسەر بکات کە ئەمانە لە گرنگترین شوێنەوارەکانی ئەو دەڤەرەن کە مەترسی لەناوچوون و تەخریبیان لەسەر.
بەڕێوەبەری شوێنەواری دهۆک ئاماژە بەوە دەکات کە لەبەر ئەوەی دەڤەری دهۆک خاوەن مێژوو و شوێنی شوێنەواری زۆرە، بۆیە بۆ زانکۆکانی بیانی گرنگر کار لەسەر ئەم شوێنەوارانە بکەن و ئەم ناوچەیە هەلبژێرن بۆ کارکردن و ئەوە بۆ ئێمەش شانازییە کە کار لە بواری پاراستنی شوێنەوارەکانی کوردستان بکەین.[1]