ئەوە گومانی تێدا نییە کە هەموومان کەموکوورتیمان هەیە و هیچ کەسێک نایاب نییە، ئەگەر بەدوای کەسێکی بێ کەموکووڕی دەگەڕێیت کەواتە هەرگیز ناتوانیت کەسە درووستەکە بدۆزیتەوە، پێویستت بەوە هەیە قوربانی بدەیت و چاوپۆشی لە هەندێک تایبەتمەندی بکەیت، بەڵام هەندێک جۆری ڕەفتار هەیە کە جێی قبووڵ کردن نین و کاریگەریی درێژخایەن لەسەر ژیانت جێدەهێڵن.

=KTML_Bold=ئەگەر بیر لە هاوسەرگیری دەکەیتەوە، باشترە کەسێک پەسەند نەکەیت کە ئەم ڕەفتارانەی تێدابێت.=KTML_End=

1- کەسێک کە بەڵێنەکەی دەشکێنێت و پێوەی پابەند نابێت، جارێک یان دووان دەتوانیت لێی ببوریت، بەڵام دووبارەکردنەوەی واتا دەیەوێت تۆ بخەڵەتێنێت.

2- دەیەوێت کۆنترۆڵت بکات و بەردەوام پێتدەڵێت: ئەمە بخۆ، ئەمە لەبەر بکە، لە کوێیت؟ وێنەی خۆت بنێرە، بڕۆ بۆ ئەم شوێنە...، ئەم پرسیارانە لە سەرەتای پەیوەندییەکەدا بە ڕوونی دیارە کە دواتر بە تەواوی کۆنترۆڵت دەکات.

3- لە هەموو کاتەکانی ژیانت لەگەڵت نییە، کاتە سەختەکانت بە تەنیا بەڕێدەکەیت.

4- بەردەوام هەڵە دەکات و بەدوایدا داوای لێبوردن دەکات، کاتێکیش لێیدەبوریت دەچێتەوە سەر هەمان هەڵە.

5- بیرکردنەوەکانی تۆ و ڕای تۆ لای ئەو هیچ بەهایەکیان نییە.

6- کەسێکە بەردەوام درۆ دەکات، وریابە تەنانەت درۆی بچوکیش دەکرێت دواتر درۆی گەورەی بەدوابێت. [1]