بنەما بنەڕەتیەکۍ ڕاوڕەچەو یارسانی
بەشۊ چوارەمۍ
نما و ڕۊچۍ:
یارسانەکۍ یەرۍ ڕۋۍ ڕۊچۍ گېران، دمای یەرە ڕوۋەکەی کەراش بە جەژنە، خوراکو جەژنېشا وېشانەن پی تەرزە (گوشتو کەڵەشېری بە گریایی، برنج، شیرینی) ، خوراکو جەژنۍ جە لاو یارسانەکاوە نموونەو ئا خوراکەینە کە (سان سەهاکی بەرزنجی) دمای سەرکۆتەیش ملو لەشکەرو (جیجک) یرە ۋاردەنش، (لەشکەرو جیجکی لەشکەرو براکاشا کە جە مەڕەو (نەوۍ) هېرششان کەردەن سەرش پەی دلېنە بەردەیش، یارسانەکۍ بە لەشکەرو کوفاری نامش بەران) .
بەڵام نما نمەکەران، ماچان ئېمە (نیازیېنمۍ) نەک (نمازیۍ) بە ماناو ئانەیەمێ کە ئېمە خەڵکانێنمۍ خەریکۍ ۋېرد و لاڵیایۆنمۍ جە خوڎای، نەک نماکەردەی.[1]