بنەما بنەڕەتیەکۍ ڕاوڕەچەو یارسانی
بەشۊ یاڼزەهەمۍ

بازنەکۍ یارسانەکا:
سان سەهاکی بەرزنجی جە (پەردیوەر) چن بازنێش وەشکەردېنۍ، پی لۊنە:
1.حۆت تەن: پی بازنەیە ماچان (حۆت تەنی جاویدان- حۆت تەنی نەمران) ، جە سەرەتاو دنیێۋە تاکو کۊتاییش ڕوحشان ئینا گېڵەنە، پەیشان هەن دلۍ (تەن- جسم) ینە وېشان بەرۋزان جە سەردەمو سان سەهاکینە، ئینېچ نامەکېشانۍ:
پیر بنیامین (پیر خڎرو شاهوی) .
پیر داۋد (پیر داۋدی ڕابەر) .
پیر مووسا (ڕوکنودینی دیمەشقی) .
ڕەمزبار (خاتو دایراک) .
مسەفا دەودانی.
شا ئیبراهیمو ئېوەتی (مەلەک تەیار) .
باوا یادگار.
2.حۆتەوانە: ئی بازنە کوڕەکۍ (سان سەهاک) ینۍ، بە نوورو وېش پاکېشکەردېنێ و بیېنۍ بە پارچێ جە نوورو ۋېش، سەرهەڵقەشا کوڕە گۆرەکەشەن بە نامۍ (سەی محەمەڎو گۆرە سۋاری) و حۆتەوانەیچ یاگەگیرۍ سوڵتانینۍ، ئینېچ نامەکېشانۍ:
(سەی محەمەڎو گۆرەسواری، سەی ئەحمەڎ- میری سوور، سەی مسەفاو چەرمە پۊشی، سەی شەهابەدین، سەی حەبیب شا، سەی عەبدولوەفا، سەی باوەیسی) .
3.حۆت خەلیفە: ئی بازنە بە فەرمانو سان سەهاکی دلۍ (72) پیرانە هۊرچنیێنۍ پەی ئانەی بە سەرپەرەشتی (داۋدی) با بە دەلیلۍ یارسانەکا، ئینېچ نامەکېشانۍ:
(پیر محەمەڎ، پیر نەریمان، پیر عەبدولعەزیز، خەلیفە محەمەڎ، خەلیفە شەهابەدین، خەلیفە باپیر، خەلیفە جەبار) .[1]