=KTML_Bold=قوباد تاڵەبانی جێگری سەرۆک وەزیرانی هەرێم:=KTML_End=
- یەکێتی لەگەڵ بەڕێوەچوونی هەڵبژاردندایە لە نزیکترین کاتدا، بەڵام داواکارییەکانمان ئەوەیە کە هەڵبژاردنێکی ئازاد و دادپەروەر و گشتگیر بێت.
- لە ماوەی ڕابردوودا هەرێمی کوردستان لە چەندین بواری وەک پێشێلکردنی مافەکانی مرۆڤ و ئازادی ڕادەربڕین و ئازادی کاری ڕۆژنامەگەرییەوە ڕووبەڕووی ڕەخنە بووەتەوە و نامانەوێت بەهۆی دواخستنی هەڵبژاردنیشەوە ڕووبەڕووی ڕەخنەی دۆستانمان ببینەوە و ناوبانگی هەرێم لەوە زیاتر لەکەدار ببێت.
- لە کۆبوونەوەکانی ڕابردوودا لەسەر زۆربەی خاڵەکان ڕێککەوتن کراوە و تەنیا خاڵی ناکۆکی پرسی کورسی کۆتای پێکهاتەکانە.
- داواکارییەکانی ئێمە تەنیا بەڕێوەچوونی هەڵبژاردنێکی پاک و بێگەردە و ئازاد و دادپەروەرە کە خەڵکی کوردستان بە هەموو پێکهاتەکانییەوە هەست بکەن پەڕڵەمانی داهاتوو نوێنەرایەتی ڕاستەقینەی ئیرادەی ئەوان دەکات.
- پێشوازی لە هەرجۆرە دەستپێشخەرییەک دەکەین و ئامادەین لە هەر کاتێکدا کە دۆستان و هاوپەیمانەکانمان دەستنیشانی دەکەن ڕێککەوتن بکەن. [1]