گەیاندیە مریشکە ڕەشەی.
لە کۆندا منداڵ لەلای مەلای مزگەوتەکان لە حوجرەکاندا دەیانخوێند، بەرانبەر وانە وەرگرتن کەسوکاری منداڵەکە وەکوو ئاڵشتێک یان زەکات یان زەخیرە و دانەوێڵە و هێلکە و سابوون و مریشک و...تاد دەدا بە مەلایەکە، هەندێک لە مەلایەکان لە کاتی تەواو بوونی هەندێک لەوانەکان بە دوو دێرە هۆنراوە کە خۆیان دەیان هۆنییەوە فەقێیەکەیان ئاگادار دەکردەوە کە پێویستە چ بهێنێت وەکوو:
مریشکە ڕەشە سەوابە بۆ مامۆستا کەبابە
مریشکە ڕەشە سەگبابە بۆ مامۆستا کەبابە
بۆ مانەوەی زۆری مێوان لە ماڵانیش خاوەن ماڵ دوای ماندووبوون و هیلاکییەکی چەند ڕۆژە دەڵێن: کش کش مریشکە ڕەشه، ئەوەش بووە بە ئیدیۆم و بۆ گەیشتنە کۆتایی هەر شتێک دەوترێت: گەیاندیە مریشکە ڕەشەی.[1]