ئاش دەرۆزەکەره
ئاش یان ئاسیاو: کارگە و شوێنی هاڕینی دانەوێڵەیە، دەرۆزەکەر، سواڵکەر: داواکردنی شت لە خەڵکی، بە یەکەوە (ئاش دەرۆزەکەرە) لەوەوە هاتووە کە خاوەنی کارگەی ئاش لەبەرانبەر هاڕینی دانەوێڵە بڕێک گەنم یان جۆ یان نیسک یان نۆکی وەردەگرت بەو بڕە دەوترا: مزە، کەواتە ئەو کەسەی خاوەنی ئاش بێت هەموو کات دانەوێڵەی هەر لە کەندوو و چاڵ و زەخیرەدان و ئاگردانان هەبووە، بۆیە بۆ ئەو پیشەوەرانەی کە بەهۆی کارەکەیانەوە ڕزق و ڕۆژوویان پەیداکردووە وتراوە: ئاش دەرۆزەکەرە.[1]