حەیای بووە حەیای پیاز فرۆشی
پیاز بەرهەمێکی ڕووەکییە، مرۆڤ لە کۆنەوە وەکوو خۆراک خواردوویەتی شیرین و تون و تیژی هەیە، کاتێک پێ دەگات لە کێڵگە هەڵدەگیرێتەوە و دەخرێتە ناو گونیە و تۆڕەوە، ئەگەر زوو ساغ نەکرێتەوە ئەوا زوو دەگەنێت (بۆگەنی) کێشەکەشی وردەوردە کەم دەکات، ئەو کەسەی بۆ کاسبی و بژێوی مامەڵەی پێوە بکات ئەگەر زوو نەیفرۆشێت ئەوا زیانێکی گەورەی ئابووری بەردەکەوێت و دێتە سەر ساجی عەلی لە نەوەدەکانی سەدەی بیستەم لە شارەدێی #تەقتەق# فرۆشیارێکی پیاز (60) شەست هەزار دیناری چاپی سوێسری زیان بەرکەوت، ئەوە بووە بە ئیدیۆم بەکاردەهێنرێت بۆ کەسێک کە لە کارێکدا زیانێکی گەورەی بەر بکەوێت دەوترێت: حەیای بووە حەیای پیاز فرۆشی.[1]