لە شەقراوێ لۆ نەمسای بەشی یانزەیەم
نووسینی: #ڕزگار خۆشناو#
$زابتەکی کورد ئەمەی لە ئیعدامێ قورتار کرد!$
پاش ئەوەی هەویەیان لێ ستاندین و ئەمەیان لە پاسی هینا خوارێ کە دەچوە مەنتیقەی (دۆرە) و مەسفای نەفتی لێ بوو، ئەمنەکە هەویەکانی بردین و بزر بوو، ئەمەش وەزعمان تێکچوبوو، مشەوەش ببووین و نەمانەزانی چ بکەین! سەروەختەکی پولیسەکە بە ترسەوە هاتە نزیکمان و گۆتی: ئەنگۆ خەرکی کێندەرن؟
گۆتم: ئەمە خەرکی هەولێرێینە، بەس ئەمن لێراخینم و ئەو خزمەشم هاتە بەغدایێ جنسیەی عیڕاقی دەربینی
شووڕتەکەش گۆتی: ئەمنیش خەرکی شڕگاتیمە، هەندە دوور نیە لەنگۆ
دیار بوو زگی بەمە سووتا و هەندەک ڕوحمی جولاوە، لۆیێ گۆتی: ئەگەر خەمەکی لەخۆ نەخۆن، ئەو کەسەی (مەقسەدی ئەمنەکە بوو ) هەویەکانی لەنگۆ وەگرت، چوو تەلەفۆنی لۆ ئەمنی عاممەی بکا و، هەر هەنکە بە تڕومبێلی دەگەنە ئێرە و ئەنگۆ لەگەرەخۆبەن
گۆتمان: باشە چ بکەین؟
گۆتی: ئەو چادرەی دەبینن؟ ئیشاڕەتی لۆ چادرەکی کرد، کە نزیکی نوقتەی تەفتیشی مەسفای دۆرە بووگۆتمان: ئا
گۆتی: زابتەکی کورد لەوێیە، زوو خۆتان بگەیننە وی، ئەو مەسوولی عەسکەریی ئێرەیە
هەر کووەکی بوو خۆن گەیاندە چادری و چووینە ژۆرێ، سەلاممان لێ کرد و بە عەرەبی گۆتی: فەرموون
گۆتمان: ئەمە کوردین و خزمی (زەعیم بەکر سامی) ینە، ئەمن لێرە تەلەبەی مەعهەدی مۆسیقایمە و، ئەو خزمەشم لە هەولێرێ هاتیە جنسیەی عیڕاقی دەربینی
مەسەلەی هاتنیشمان لە عەلاوی حلەی هەتا وێ بێ زیاد و کەم لۆ بەحس کرد!
ئەویش هەنندەک بە توڕەیی گۆتی: ئەوجا ئەنگۆ چ جێ نەمابوون لە بەغدایێ، هەتا بێنە ئێرە، نزانن هاتینە کێندەرێ! ئێرە مەسفای دۆرەی لێیە و مەنتیقەکی عەسکەرییە و خەتەڕە! ئەنگۆ چ دەکەن لێرە؟ خوای گرتینە، لە مردن دەگەڕێن؟
گۆتم: غەڵەتمان کرد و دەبی بە گەورەیی خۆت عەفوومان کەی!
گوتم: باشە باش، ئەمن عەفووتان دەکەم، بەران جارەکیدکە غەڵەتی وا نەکەن
بانگی شوڕتەکەی کرد و گۆتی: بڕۆ هەویەکانیان لۆ بینۆ
ئەویش بە عەجەلە چوو هەویەکانی هینانۆ و دایە دەستی زابتەکەی و ئەویش وەمەیداوە و، ڕوحمان هاتەوە بەر و بڕەک هاتینەوە سەرەخۆ!
بە زابتەکەم گۆت: ئەمە زۆر مەمنوونی جەنابتین و ئەو چاکەت قەت لەبیر ناکەین
گۆتی: موشکیلە نیە، ئەوجا هەتا پێتانەکرێ غار دەن و هەرێن و ئاوڕ لە پشتەخۆ مەدەنەوە! بڕۆن بەخێر چن
لە مشەوەشیان نە لێمان پرسی و نە زانیشمان ئەو زابتە کوردە کێیە؟ بە شوڕتەکشمان گۆت: زۆر مەمنوونی تۆشین کە زۆر مساعەدەت کردین
گۆتی: سەرچاو و خوا حافیزتان بی ئەوجا غار دە هەتا چاوو حوکمەکا.
وابزانم بە غاردان دوو سێ مەنتیقەی پاسمان بڕی و نەوێراین هەر ئاوڕیش دەینەوە! بە هەمان پاسی ڕەقەم (31) کیش گەڕاینەوە ئەو جێی لێی هاتبووین (عەلاوی حلە) *، بە خزمەکەم گۆت: خوا ڕەحمی پێ کردین دەنا دەبووینە شەهیدی کەربەلایی!
ئەویش جوابی دامەوە و گۆتی: چ نمابوو ئەتوو سەری هەردووکمان بەیە قوڕێ! ئەتوو کوو بەبێ ئەوەی بزانی ئەو پاسە کێواچی سوار بووی؟
گۆتم: ما ئەمن لەبەر ئەو کیژەی ئاگام لە هیچ ما
لۆ سبەینێ چوومە دووی لە ئوتێلی و چووینە دائیرەی جنسیەی عامە، باش بوو جنسیەکەی تەواو ببوو، وەری گرت و ڕۆیشتیین، گۆتم: بتگەڕێنم زیاتر؟
گۆتی: نا! نا! بەسە، زۆرم بەغدا دیت! پێچوو بەو بەزمەی ئەمن تووشم کرد، هەندەک ئیزعاج ببوو.
گوتی: لەگەرم وەرە نەقلیاتی دەچمۆ هەولێرێ!
لەگەری چوومە نەقلیاتی، پێم گۆت: قسوورم عەفووکە، ئەمن تووشی سەرێشەم کردی!
گۆتی: چ نیە نا، هیچ نەبووە، زۆر مەمنوون، مساعەدەت کردم
بەڕێم کرد و ئەمن گەڕامەوە مارێ.
کە گەیشتمە مارێ فکرم هەر لەو شتەی دەکردۆ کە بەسەرن هات! ئەوجا زانیم ئەمە لە مەوقیفەکی چەند خەتەر بووین و ئەو زابتە کوردە نەبا، چاویانەبەستینۆ و ئۆندەیان تەعزیبەداین، هەتا بە مەجبووری لەبن تەعزیبی ئیعتیڕاف بکەین، کە ئەمە فیعلەن بۆ تەخریباتی هاتبووینە وێ و لە هیچ و خۆڕا ئیعدامەکراین.
پاشماوەی مایە...
(عەلاوی حیلە) ساحەکی نەقلیاتی گەورە بوو لە بەغدایێ (مەنتیقەی کەرخ) ، کە زۆربەی پاسی مەسلەحەی لەوێ لۆ جێیەکانیدکە* دەچوون و شەووڕۆژ قەرەبارغ بوو.
=KTML_Bold=تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!=KTML_End=
[1]