کەر بەستنەوە، خەم بەستنەوه
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (کەربەستنەوە، خەم بەستنەوە) ، ئاژەڵی گوێدرێژ کە زۆرتر بە کەر ناوی دەهێنرێت زۆرترین کاروباری ناوچەی خۆشناوەتی و دەشت و وراتی کۆیەی پێ ئەنجامدراوە هەر بۆیە وتراویشە: ئەوەی کەرەکی نەبی، کەرەکی ناینی، کەر ئەگەر ببەسترێتەوە ئەوە بە گوێرەی پەتەکەی ملی هەنگاو دەنێت و مەترسی ڕۆیشتن و زیان گەیاندنی بە بەرووبومی خەڵکی و دوورکەوتنەوەی کەم دەبێتەوە، واتە: ئەگەر گوێدرێژ بەڕەڵڵا بێت ئەوا بۆ خاوەنەکەی خەمە، بەڵام ئەگەر ببەسترێتەوە واتە: ئەو خەمەت بەستایەوە، ئەوە بووە بە ئیدیۆم بۆ مشورگێڕی و خەمخۆری کارێک دەوترێت: کەربەستنەوە، خەم بەستنەوە. [1]