ئەوەی بیرێ و بیکا شێرە، ئەوەی نەیرێ و بیکا مێره
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (ئەوەی بیرێ و بیکا شێرە، ئەوەی نەیرێ و بیکا مێرە) ، پیاو خەسڵەتی گەورەی پێدراوە وتراوە: ئەوەی نێر بێت مەرج نییە پیاو بێت، ئەو کەسەی لەسەر پێیانە و ئامادەیە قوربانی بەکات و جەستەی خۆی بدات لەسەر وتە و قسەیەکی خۆی پێ وتراوە پیاو، هەندێ پیاو بەئاشکرا قسەیەک دەکەن و جێبەجێشی دەکەن ئەوە خاسیەتی شێری دەدەنە پاڵ، ئەو پیاوانەی بێ دەنگن و کاری خۆیان بەبێ دەنگی دەکەن وەکوو تۆڵەکردنەوەی بی هەڕەشە و گوڕەشە بە و کەسانەش دەوترێت: مێرە بەخوا میردە یان بەخوا مەردە، ئەو دوو حاڵەتە لە خۆشناوەتیدا کراوە بە و ئیدیۆمە وتراوە: ئەوەی بیرێ و بیکا شێرە، ئەوەی نەیرێ و بیکا مێرە.[1]