#کەنگر# ڕووەکێکی خۆڕسکی وەرزی بەهارە، ئەم ڕووەکە لە میسر و یۆنانی سەردەمی کۆن هەبووە و خەڵکی ئەو سەردەمە سوودیان لێی وەرگرتووە و لە سەدەی 16ی زایینیش لە ئەوروپا کەنگر یەکێک لە ڕووەکە گرنگەکان بووە، کە تەنیا ئەو کەسانەی باری داراییان باش بووە، توانیویانە سوودی لێ وەربگرن.
کەنگر بۆ سووڕی خوێن بەسوودە، و خوێنیش پاک دەکاتەوە. ڕووەکی کەنگر خواردنێکی بەسوودە بۆ ئەو کەسانەی کێشەی کەم خوێنییان هەیە، ئەم ڕووەکە بۆ ئەو کەسانەی چەوریی جەرگیان هەیە زۆر بەسوودە و هەروەها دەوڵەمەندە بە ڕێژەیەکی زۆر پۆتاسیۆم، کە وزەیەکی زۆر بە جەستە دەدات.
سرووشتی کەنگر گەرم و وشکە، بۆیە وا باشترە لەگەڵ ماست کەڵک لە خواردنی وەربگری. [1]