لەدزی وابی هەموو کەس دزه
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (لە دزی وابی هەموو کەس دزه) ، لە کەلتووری ئیسلامەتیدا دەگێڕنەوە، کابرایەکی لایدە دەیەوێت بچێتە گوندێکەوە لە ڕێگادا تووشی سێ کەس دەبێت لەکات و شوێنی جیاوازدا، سەبارەت بە و گوندەی دەیەوێت بچێتە ناوییەوە پرسیاریان لێ دەکات، کەسی یەکەم دەڵێت: هەموو خەڵکەکەی خواناسن، کەسی دووەم دەڵێت: نوێژکەر و نوێژنەکەری تێدایە، کەسی سێیەم دەڵێت: پڕ لە خوانەناسە، هەرسێ کەسەکە خاسیەتی خۆیان کردووە بە بنەمای وەڵامی پرسیاری لایدەیەکە و گشتاندوویانە بەسەر خەڵکی ئاواییەکە لە کوردەواریشدا هاوشێوەی ئەو چیڕۆکە چەندین ئیدیۆمی گوزارشت لەو بارودۆخەمان هەیە وەکوو: لەدزی وابی هەموو کەس دزه.[1]