لە بووکێ نییە سەر و زمان، لە خەسوێ نییە دین و ئیمان
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (لە بووکێ نییە سەر و زمان، لە خەسوێ نییە دین و ئیمان) ، لە زۆربەی کەلتووری گەلان (بووک و خەسوو) وەکوو (مشک و پشیله) سەیر دەکرێن بە دوو لای ناکۆک، نەگەیشتوو بەیەکتری دادەنرێن، بەگوێرەی داب و نەریتیش تاوەکوو ئێستاش هەر خەسوو بەدەسەڵاتدارتر دانراوە، لەو ئیدیۆمەی خۆشناوەتیش بووک کیژێکە تازە چوویتە ماڵە خەزووران و شارەزایی نییە وەکوو بەستەزمان دەیبنن، خەسووش خاوەنی ماڵە و زاڵە و هیچ (دین و ئیمان) و زەیی لەدڵ و دەرووندا نییە بۆیە وتویانە: لە بووکێ نییە سەر و زمان، لە خەسوێ نییە دین و ئیمان.[1]