ناونیشانی بابەت: لە شەقراوێ لۆ نەمسای/ بەشی چواردە
نووسینی: #ڕزگار خۆشناو#
وەخت بوو کاغەزەک سەرم لە قوڕێ ڕاکا!
ساری 1974، دوای ئەوەی زۆربەی تەلەبەی #کورد# بەغدایان بەجێ هێشت و چوونە ڕێزی شۆڕشی، وەزعی من و زۆربەی ئەو تەلەبە کوردانەی لە بەغدایێ مابوونۆ تێک چوو! ڕۆژەکی لە مەعهەدی بەحسی ژیانی زەحمەتی تەلەبەی مەعهەدی کرا، کە نە بڕە پارەکنەدەنێ و نە قسمی داخیلیشیان لۆ کردینۆ، وەکی مەعهەدی فنوون جەمیلەی، ئەمنیش گۆتم: وەکوو تەلەبەکی ئەوەل دەورەی ئەو مەعهەدەی، ژیان لێرە لە بەغدایێ زۆر زەحمەتە، خاسەتەن وەختی پیاو معاشەکی نەبی و بابیشت دەستی کورت بی و پێی نەکرێ مساعەدەت بکا.“
لەو دەمەیدا مەسئوولی ئیتیحادی تەلەبە بەعسیەکانی مەعهەدی، هاتە قسە و گۆتی: ئەمە قرارن دایە لەسەر ئەو مەوزوعەی لەگەر وەزارەتی قسان بکەین،
ئەمنیش گۆتم: ئەوە شتەکی باشە، ئەگەر شتەکمان لۆ بکەن
دوایێ لە منی پرسی؛ کاکە ڕەزاق (هەندەک نەیاندەتوانی ڕزگاری تەلەفوز کەن، لۆیێ پێیان دەگۆتم ڕزقان) ڕزاقان/ ئەدی ئەتوو کوەژی؟ بابت پارەت لۆنێری؟
گۆتم: ناوەڵا بابم ئیمکانییەتی نیە مساعەدەم بکات
گۆتی: ئەدی بە چیەژی؟
گۆتم: ناوناوە ئەگەر لە حەفلەکی مۆسیقای لێبدەم
ئەوجا گۆتی: ئەدی ئەگەر حەفلەت نەبوو؟
گۆتم: وەڵا ئەوجا ئەوهایە
گۆتی: محاوەلەت نەکردیە لە ئیزاعەی بەغدایێ قسمی کوردی ئیشەکت بدەنێ؟
گوتم: با، چوومە لای مدیرەکەی، بەران چونکە نایناسم هیچی لۆ نەکردم
ئەویش یەکسەر گۆتی: ”ئەمنەتوانم کاغەزەکی لۆ بنووسم بەرکوو مساعەدەت بکا ئیشەکت بداتێ
گۆتم: وەڵا زۆریشت مەمنون دەبووم
ڕۆژی دوایێ کاغەزەکی دامێ کە لۆ مدیری ئیزاعەی کوردیی نووسیبوو، تەمغەی ئیتحادی تەلەبەشی وا لێدابوو کە ئەگەر کاغەزەکەی بکەیۆ، یەکسەر دیار بی!
زۆر مەمنوونی بووم و گۆتم: ئەو چاکەت قەت لەبیر ناکەم
گۆتی: دەلەل کاکە
لە دری خۆم گۆتم: قەت نەمدەزانی ئەو تەلەبە هەندە پیاوە و بەڕاستی دەیەوێ مساعەدەم بکا“ زۆرم پێ غەریب بوو!
کە دەوامی مەعهەدی تەواو بوو، چومۆ مارێ! هەر فکرم دەکردۆ، دەمگۆت ئەو ماستە موەکی تێدایە! ئەوەی کە عەقڵی نەدەگرتم ئەوەبوو کە ئەمن نە بەعسی بووم و نە لەگەر ئیتیحادی تەلەبەی بەعسیەکانیش ئیشمەکرد، دەمگۆ باشە کابرا لۆ ئەو کاغەزەی لۆ من نووسی؟ هەر کوو فکرم دەکردەوە قەناعەتم پێ ناهات! هەتا لە کاغەزەکەی کەتمە شک و دوودر بووم لێی! وای لێ هات ئەترسام هەر تەماشای کاغەزەکەش بکەم و موچڕکم بەلەشیەهات، بکەمۆ؟ نەکەمۆ؟ وەخت بوو مێشکم تێک چی، حاسەی شەشەمم بەکار کەت و پێی گۆتم کاغەزەکەی بکۆوە ئەمزانی ئەگەر کاغەزەکەی بکەمۆ \ئەوجا هەرچی نووسیبی بە باش و بە خراپ\ نەمەتانی لۆ مدیری ئیزاعەی ببەم!
ئاخیری کاغەزەکەم کردۆ! نووسیبووی: ڕزگار حەسەن ئەحمەد، تەلەبەکی مەعهەد دیڕاساتی نەغەمیە، سنفی چارە، عیلاقەکی زۆر باشی لەگەر زۆربەی تەلەبە کوردەکانی بەغدایێ هەیە و لەگەریان دەچتە سەفرە و لەگەر عازفیدکە حەفلەیان لۆکا، لە هەمووشی خەتەرترییش کە نووسیبوی: برایەکی هەیە بە ناوی ڕەنجبەر حەسەن ئەحمەدە، ساڵەک لە خۆی گچکەترە، تەلەبەی مەعهەد فنوون جەمیلەی بوو، بەران بەجێی هێشت و ئیلتیحاقی بە موخەڕبین کرد ئید نامەکە بەحسی ئیش و مساعەدەکردنی هەر تێدا نەبوو!
هەر وەخت بوو هەناسەم ڕاوەستی کە دیتم چی لۆ نووسیە! لە درێ خۆم گۆت: چانەبوو کاغەزەکەم کردۆ، مدیر بەخۆی تووڕە و لە هەنجەت بوو، ئەوەشی دیتبا نەک هەر دەریەکردم بەرکوو بەگرتنیشی دەدام!“ بەکورتی ئەو کابرایە دەیەویست سەرم لە قوڕێ ڕاکا، هەنگی حەقیقەتی ئەو کابرایەم لۆ بەدیارکەت و زانیم لۆچی خۆی لە من هەر نزیکەکردۆ، ئەتو مەزانە بەعسیەکی پیس و خەتەر بوو، ئەمنیش تەسەوڕمەکرد، برادەرەکی موخلیس و پیاوەکی باشە و ئەمنی خۆشەوێ! ئەتو مەزانە گورگ بوو لە پیستی مەڕی! هەر یەکسەر کاغەزەکەم دڕاند!
پاش دوو سێ ڕۆژان ئەمنی دیت و گۆتی: ها چت کرد؟ چوویە ئیزاعەی؟ کاغەزەکەت دایێ؟ ئەمنیش خۆم تێک نەدا گۆتم: ئا ئا کاغەزەکەم دایێ
گۆتی: چی نەگۆت؟
گۆتم: با.. گۆتی بابزانم وابزانم شتەکم لۆکا!“
پاش بەزمی ئەو کاغەزەی، محاوەلەمەکرد بەبێ ئەوەی ئەو حس بکا خۆ لەو بەعسییە پیس و مخەنەتەی دوور کەمۆ![1]
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!