سەگ گوێی ببڕی، وریا ئەبێ، کلکی ببڕی، خێرا ئەبێ.
سەگی کوردیی بێجگە لە جۆری هەوشار، گوێچکەیان گەورەیە، ڕێگە لە بیستنی دەگرێ، بۆ ئەوەی بەباشی دوور ببیستێ، بە تووتکەیی گوێچکەی دەبڕن، کلکیشی لەبەر تیژڕەوی کوورت دەکەنەوە، مەبەستی پەندەکە ئەوەیە کە دەکرێ بەشێکی کەم لەدەست بدرێ، لەپێناوی زۆرینەیەکی زۆردا. شێج محەمەدی خاڵ دەڵێ: ئەم پەندە هیی قۆناغی دەرەبەگییە، دەرەبەگەکان نەیانویستووە، دەست و پێوەندەکان، دەست و نینۆکیان هەبێ تا خۆیانی پێ بخورێنن.[1]