#ئەژی ئەمین#، یاریدەدەری ڕاوێژکاری ئەنجوومەنی ئاساییشی هەرێم، لە ساڵیادی دامەزراندنی حیزبی دیموکراتی کوردستانی ئێران، داوای پشتیووانی و داڵدەدانی حیزبەکانی ڕۆژهەڵات دەکات.
ئەژی ئەمین، لە لاپەڕەی خۆی لە تۆڕی کۆمەڵایەتی فەیسبووک نووسیویەتی ”لەم ڕۆژانەدا، پلانگێڕى بەرانبەر بە حزبە خەباتگێڕەکانى ڕۆژهەڵاتى کوردستان و ئەزموونى #هەرێمى کوردستان# و گەلى کورد لە ناوچەکەدا بەڕێوەدەچێت”.
یاریدەدەری ڕاوێژکاری ئەنجوومەنی ئاساییشی هەرێم دەڵێت ”داڵدەدان و پشتیووانیى و پاراستنى ئەمنییەت و خەباتى درێژخایەن و نەپساوەى ڕۆژهەڵات و هەموو کوردستان بە ئەرکى لەپێشینەى خۆمان دەزانین”.
ئەژی ئەمین پێی وایە ”لە بەردەم ئەرکێکى ئەخلاقیى و نەتەوەیى و مێژوویدان بۆ پشتیووانیى لە هەموو پارتەکانى ڕۆژهەڵاتى کوردستان”. [1]