دوور لە پیشەکانیان، کوڕ و کچە پاڵەوانەکانی پێشمەرگە توانیان لەپاڵەوانێتی نیشانشکێنی یانەکانی کوردستان و ئێراق دا، جام و نازناوەکان بگەڕێنەوە شاری #سلێمانی# و یانەی پێشمەرگە.
لە پای ئەو سەرکەوتنە بەنرخانەشیان، ئێوارەی ڕۆژی یەکشەممە ڕێکەوتی #30-07-2023# و لەنێو بارەگەی یانەی وەرزشی پێشمەرگە (#حاکم مەحمود ئەحمەد موراد#) جێگری سەرۆکی یانە، پێشوازی لە دەستەی سەرپەرشیار و ڕاهێنەر و کوڕ و کچە پاڵەوانەکانی تیمی نیشانشکێنی یانەکەیان کرد.
لەو میوانداریەدا و سەرەتا جێگری سەرۆکی یانە پیرۆزبایی لە یاریزانەکانیان کرد، کە دوور لە پیشەکانیان ئەو دەستکەوت و ئەنجامانەیان هەبووە، هەر وەک سەرسامی خۆی پیشان دا، کە کۆمەڵێک لە کیژە پزیشکەکانی شاری سلێمانی و یاریزانانی یانەی پێشمەرگە دوور لە پیشەی خۆیان بوونەتە، سومبولی سەرکەوتن و ناوی پێشمەرگە و ئاڵای کوردستان بە شەکاوەی لەپاڵەوانێتییەکان بەرزدەکەنەوە، ڕایگەیاند کە یانەی پێشمەرگە دڵخۆشە بە بوونی ئەو کۆمەڵە پزیشک و ئەندازیار و ڕاوێژکار و پارێزەر و یاساییانەی کە بە شێوەیەکی دیکە خزمەت بە ناوی شاری سلێمانی کوردستان دەکەن.
هەروەها دووپاتی کردەوە کە یانەی پێشمەرگە هەمیشە خەم خۆر و دڵسۆزتان دەبێت و پاڵپشتیتان دەکات لە سەرجەم چالاکی و پاڵەوانێتییەکاندا.
لە کۆتایشدا خەڵاتی تایبەتیی یانەی پێشمەرگەی بەخشییە یاریزانانی تیمی نیشانشکێنی کە توانیان لە ماوەی کەمتر لە دوو هەفتەدا سێ نازناو بگەڕێنەوە شاری سلێمانی و یانەی پێشمەرگە.
[1]