بە ئەنجام دانی دوو یاری کۆتایی هات بە یارییەکانی قۆناغی هەشت تیمی خولی لاوانی یانەکانی کوردستان، کە تێیداو #یانەی وەرزشی هەندرێن# لە بەرانبەر لاوانی یانەی ئارارات یاری کردوو توانی بە ئەنجامی گۆڵێکی بێ وەڵام یارییەکەی لێبەرێتەوە.
ئەمە و لاوانی سیروانی نوێی شاری سلێمانی و ئاشتی هاوشاریشی دووەم یاریان ئەنجام دا و سەرەنجام لاوانی سیروان توانیان براوەبن، دوایی ئەوەی بە گۆڵێکی یەک لایەنە یاریەکەیان لەبەرژەوەندی خۆیان بە کۆتاهێنا.
بەو دوو ئەنجامەش لاوانی پێشمەرگە، شۆڕیجە، هەندرێن و سیروانی نوێ گەیشتنە قۆناغی چوارگۆشەی زێڕین و لەو قۆناغەشدا پێشمەرگە لە بەرانبەر هەندرێن یاری دەکات و سیروانی نوێ و شۆڕیجەی کەرکووک-یش بۆ گەیشتن بە یاری کۆتایی ڕووبەڕووی یەک دەبنەوە.
پێشمەرگە × هەندرێن
سیروانی نوێ × شۆڕیجە
[1]