لە درێژەی یارییەکانی خولی بێچووە شێرانی یانەکانی شاری سلێمانی و دەوروبەری دا، تیپی بێچووە شێرانی یانەی وەرزشی پێشمەرگە لەسەر یاریگەی فەرماندەیی تایبەت بە یانەکەی میوانداری لە بێچووە شێرانی #یانەی وەرزشی چەمچەماڵ# کرد.
یارییەکە لە سەرەتاوە بەبەهێزی دەستی پێ کردوو دوایی یەکسان بوونی هەردوو تیم لە کاتی یاسایی بە 4 گۆڵ، دواجار ناوبژیوان پەنای بردە بەر لێدانە یەکلاکەرەوەکان بۆ ئەنجامی کۆتایی و پێشمەرگەکان توانیان بە ئەنجامی 5 گۆڵ بەرانبەر بە 4 گۆڵ سەرکەوتن بەدەست بهێنن.
بەو سەرکەوتنەی کوڕانی بێچووە شێرانی یانەی پێشمەرگە دووەم سەرکەوتنی یەک لە دوایی یەکیان بەدەست هێنا و بڕیاریش وایە لە یاری داهاتووی ڕووبەڕووی بێچووە شێرانی یانەی چوارقوڕنە ببێتەوە .
[1]