نامۍ: ئیبراهیم
نازنام: بابان
نامۊ تاتەی: ئەحمەد
یاگۊ پېڎابېیەی: #قەڵاچوالان#
ساڵۊ مەرڎەی: 1796ز
یاگۊ مەرڎەی: #موسڵ#

$ژیۋاینامە$
ئیبراهیم پاشاو بابانی کوڕو ئەحمەڎ پاشاو بابانی کوڕو سڵێمان پاشاو بابانېیەن، ملۊوە سەرو بنەیانەو (فەقی ئەحمەڎو دارەشمانەی) ، یۊ بېیەن جە میرە بە نامبانگ و ئازاکا بابانی، گۆرەتەرین بەرهەمش بنیاڎنیای شارو سلێمانین کە ساڵەو (1784ز) نزیک جە دەگاو مەڵکەڼی بناغەش متەنەرە.
بەشێ فرەو ژیوایش دلۍ شارو بەغڎاینە گوزەرنان، هەر پەوکەی حەزش جە ژیوایێ شارەسانی بېیەن، دیارەن ئەچاگە هەسش بە ژیوایێ تازەی کەردەن، ژیوایێ دلۍ دنیاو مەدەنیەتی و زاستی و ماریفەتی، ژیوایێ شارنشینی کە پېکئاما کۊمەڵیەکەش چەنی ژیوای دەگاو دەشت و دەری جیاوازەن، مروڤ دلېشەنە شعوور بە ئازادیێ فراوانتەری و مەعیشەتێ ئاسانتەری و وەشتەری کەرۊن.
مەتاومۍ بواچمۍ ئیبراهیم پاشا چەنی ئانەیە خاوەن ئاوەزێ بەرزو خاوەن دنیا ۋینیێ فراوانتەری بېیەن، هەم کەسێ سیاسی چامنە بېیەن کە دیبلوماسیەتو وېگونجنای و سیاسەتو گفتوگۊیش جە هۊرچنیەو جەنگی پەنە خاستەر بېیەن، ۋینمۍ بە بۍ جەنگ دەسەڵاتو ئەمارەتەکەیش یاونان خانەقین تاکو قەسری شیرین. حوکومڕانیەکەش تاکو ساڵەو (1800ز) دەوامش کەردەن.
میرەکۍ بابانی دەس دلۍ دەسو والیەکا عوسمانی بېنۍ، ئاڎۍ پەشتگیریشان کەردېنۍ، وەختێ گەنجە یەزیدیەکۍ والی عوسمانیەکاشا دلۍ شارو موسڵینە کوشت، جەنگ چەنی یەزیدیەکا دەسش پەنەکەرد، میرەکۍ بابانی هەمیشە چەمەڕایۍ فەرمانو عوسمانیەکا بېنۍ، پەوکەی:
ساڵەو (1796ز) ئیبراهیم پاشا بە وېش و لەشکرەکەشۆ لوێ پەی یاردیدای والی عوسمانی جە سنجار، جەنگ دەسش پەنەکەرد، چیاو شەنگالی تۊقە دریا، ئیبراهیم پاشا ئاوەختە لوابۍ تەمەنۆ، نزیک بە شارو موسڵی بە نەوەشی کۊچی دمایینش کەرد، نزیک مەرقەڎو (نەبی یونس) ینە ئەسپەردە کریا.
ئەسعەد ڕەشید.[1]