ناڤ: جەمیل
ناڤێ بابی: ساڵح
ناسناڤ: جەمیل ڕەنجبەر
جهێ ژدایکبوونی: گوندێ گۆمەگروویا سەر ب #هەڤلێر#ێ
ڕێککەفتا ژدایکبوونێ: 1949
جهێ شەهیدبوونێ: بنارێ کێوەڕەش ل دەڤەرا #سەنگەسەر#
ڕێککەفتا شەهیدبوونێ:#18-11-1980#
$ژیاننامە$
پشتی دووجاران زیندانی و ئازار و ئەشکەنجەیا زور ، ل گوندێ جەلکانی یا سەر ب پشدەرا ڕەقەیا بنارێ کێوەڕەش ل دەڤەرا سەنگەسەر ل روژا 18-11-1980 دکەڤیتە بەر بۆردومانا هەلیکۆپتەرێن دوژمن و دبیتە دووهەم شەهیدێ ماڵباتا خوە، چونکی پێشتریش و ل شوڕەشا ئەیلولێ دە، یاسینێ برایێ وی گیانێ خوە بەخشیە خاکا کوردستانێ و شەهید بویە.
ڕەنجبەرێ شەهید ناڤێ وی جەمیل ساڵح عەزیزە و ل گوندێ گۆمەگروویا هەڤلێرێ، ل ساڵا 1949 ژدایکبوویە و پشترە چووینە هەڤلێرێ و لوێرێ نیشتەجێ بووینە، دەرچوویێ خانەیا مامۆستایێن هەڤلێرێیە.
شەهید جەمیل یەکە لوان تێکوشەرێن کو ب دەگمەن ل چەندین بواراندا شەهرەزایی هەبوویە، ئەو تێکۆشەرەکێ کوردایەتی و کادیرێ پارتی دیموکراتی کوردستان و شوڕەشا ئەیلولێ بوویە، مامۆستا و شاعیر و پێشمەرگە و زیندانی و ڕێبەرەکێ سیاسی بوویە، ئەو خورتەکێ خوین گەرم بوو کو ل ساڵێن شێستا یا سەد ساڵا بهوریدە پەیوەندی ب یەکێتیا قوتابیێن کوردستان و پارتی دیموکراتی کوردستان کرییە و پشترە بوویە بەرپرسیارێ ناوچە لوێ دەڤەرێ، ماڵباتا شەهیدێ ب گشتی ل رِیزێن کوردایەتی و شورەِشێدە بوون و لایەنگرێن (پ.د.ک) بوون، شەهیدی بخوە ژی بیروباوەرِێن چەپ هەبوونە.
ئەگەرچی زەڵامەکێ ژێهاتی بوو، لێ ژ ئالێ سیاسی ڤە پتر یێ بەرنیاس بوو، چونکی وی سەردەمەی سیاسەت کرن و خەبات پیروزترین کار بوو لهەمبەر ئازادیا گەلێ کورددە، لەوما شەهیدیش تەڤایا ژیانا خوە لڤێ ڕییا پیروی کرە قوربانی، ژیانەکا تژی ل دەردە سەری و ئازار ژبو خوە هەلبژارد، ئەوژی بو هندێ کوو ژیانەکە ئارام بو گەلێ خوە فەراهەم بکەت. ساڵێن 1969-1970 ڕۆڵەکە بەرچاڤ لناڤ ڕیزێن یەکێتیا قوتابیێن کوردستانێدە و (پ.د.ک) گێرِا و ژبەر ڤێ چەندێ کەسەکێ خۆشەویست و بەرنیاسێ هەڤلێرێ بوو، ساڵا 1974-1975 پێشمەرگەیێ شوڕەشا ئەیلولێ بوویە. پشتی دامەزراندنا کۆمەڵەیا ڕەنجدەرێن کوردستانێ شەهید جەمیل دبیتە بەرپرسیارێ کومیتەیا هەڤلێرێ یا کۆمەڵە و چەندین ئەرکێن دن یێن بەرپرسیارەتیێ پێ هاتینە سپارتن و دڵسۆزانە و خەمخۆرانە کارێ خوە کرییە.
هەروەسا خوەدیێ دیوانەکا شیعرێن بەرگرییە کو ورە و بهێزی دناڤا دیوانا ویدە دهێتە ڤەخوەندن. ل ماوێ دوو جاران دەستەسەر کرنێدە سەرباری ئەشکەنجەیەکە زوور توو نهێنییەکا شوڕەشێ نەدرکاند.
ل دوماهیکێدە حوکمێ زیندانا تا هەتایی ژبو دەرکەت و ژبەر لێبورینا گشتی ساڵا 1980 هاتە ئازاد کرن، هەر ل هەمان ساڵدا بوویە پێشمەرگەهێ شوڕەشا نوو و ڕێبەرێ سیاسی یێ هەرێما 5یا وی دەمی ل هەڤلێرێ، لێ ب مخابنیڤە ل ڕوژا 18-11-1980 ب ئێرشا هەلیکۆپتەرێن ڕژێما داگیرکەر دگەڵ چەند پێشمەرگەیێن دن هاتە شەهید کرن. [1]