گرنگە بایەخ بەو خواردنانە بدەیت کە دەوڵەمەندن بە ڤیتامین بایۆتین، کە ناسراوە بە ڤیتامین B7 یان H، ڕۆڵی هەیە لە گۆڕینی خواردن بۆ وزە لە جەستەدا، لە زۆر خۆراکدا هەیە وەکوو پاقلەمەنییەکان، برۆکلی، گۆشت، هێلکە، گوێچکە ماسی، چەرەسات و دانەوێڵە تەواوەکان، هەروەها دەبێتە هۆی هاوسەنگی چەوری، کاربۆهیدرات و ترشی ئامینۆ لە جەستەدا.
=KTML_Bold=کاتێک ئەم ڤیتامینە لە جەستەی منداڵدا کەم دەبێت، چەند نیشانەیەکی تێدا دەردەکەوێت:=KTML_End=
1. قژی هەڵدەوەرێت و تەنک دەبێت.
2. نینۆکی نەرم دەبێت و تووشی شکانەوە دەبێت.
3. دەوروبەری چاوی و لوت و دەمی سووردەبێتەوە.
4. وزەی کەم دەبێت.
5. دەست و قاچەکانی زووزوو سڕ دەبن و مێروولە دەکەن.
6. گەشەی دوادەکەوێت.
7. تووشی کەڕوو دەبێت.
8. شەکەتییەکی زۆری هەیە و دڵی تێکەڵدێت.
9. کەمخەویی هەیە یان بەزەحمەت خەوی لێدەکەوێت.
10. ئارەزوی خواردن لەدەست دەدات. [1]