میوەی وشککراو دەوڵەمەندە بە ڤیتامین و کانزا و خواردنی تەندرووستە، بەڵام بەهۆی ئەوەی شەکری تێدایە، پێویستە ڕۆژانە لە بڕێکی دیاریکراو زیاتر نەخورێت و بەم ڕێنماییانە دەتوانیت بیخۆیت.

=KTML_Bold=1. دیاریکردنی بڕەکەی=KTML_End=
میوەی وشککراو بڕیکی زۆر لە کالۆری تێدایە، هەر بۆیە دەبێت لە زۆر خواردنی دووربکەویتەوە بۆ ئەوەی کێشت زیاد نەکات، باشتر وایە ڕۆژانە 28 گرام زیاتر نەخۆیت.
=KTML_Bold=2. جێی میوە نەگرێتەوە=KTML_End=
ئەوە ڕاستە کە بڕێکی زۆر لە ڤیتامینی تێدایە، بەڵام نابێت جێی میوە و سەوزەی فرێش بگرێتەوە، چونکە ڕێژەی ڕیشاڵ و ماددە خۆراکییەکانیان جیاوازە.
=KTML_Bold=3. ئاو بخۆیتەوە=KTML_End=
پێویستە ئاو زۆر بخۆیتەوە، بەتایبەتیی لە کاتی خواردنی مێوژ یان کشمیش، بۆ ئەوەی تووشی قەبزی نەبیت.
=KTML_Bold=4. جۆرە جیاوازەکانی بخۆ=KTML_End=
باشتر وایە چەند جۆرێکی جیاوازی میوەی وشککراو پێکەوە بخۆیت، بۆ ئەوەی کەڵک لە ڤیتامینە جیاوازەکان وەربگریت.
=KTML_Bold=5. تەندرووستی ددانت لەبیر نەکەیت=KTML_End=
بەهۆی ئەوەی ڕێژەیەکی زیاتری شەکر لە میوەی وشککراودا هەیە، پێویستە دوای خواردنی ئاو لە دەمت وەربدەیت یان ددانت بشۆیت، بۆ ئەوەی ددانت کلۆر نەبێت. [1]