پێکەنین و زەردەخەنەکردن تەنیا دەربڕینی هەستی دڵخۆشی نییە، بەڵکوو چەندین سوودی بۆ تەندرووستی جەستە و دەروون هەیە، کاریگەریی لەشەر شێوازی ژیان و بیرکردنەوە درووست دەکات، ماڵپەڕیی Delaware Psychological Services سوودەکانی پێکەنین و زەردەخەنەی بڵاوکردووەتەوە.

1. یارمەتیی تەمەن درێژی دەدات، دەرکەوتووە ئەو کەسانەی زۆر پێدەکەنن ژیانێکی تەندرووستتر و تەمەنێکی درێژتریان هەیە.
2. فشاری دەروونی کەمدەکاتەوە، بەتایبەتیی لەو کەسانەی ماندوو و شەکەتن.
3. یارمەتیی جەستەت دەدات دژی نەخۆشی بجەنگێت، چونکە سیستمی بەرگری جەستە بەهێز دەکات و خرۆکە سپییەکان لە خوێندا زیاد دەکات.
4. یارمەتیت دەدات زیاتر ئەرێنی بیربکەیتەوە و هەستە نەرێنییەکان پشتگوێ بخەیت.
5. باری دەروونی کەسانی دیکە باشتر دەکەیت، چونکە کاتێک کەسی بەرانبەرت دەتبینێت بە دڵخۆشی، ئەویش هەست بە دڵخۆشی دەکات.
6. متمانە لەنێوان تۆ و کەسی بەرانبەرت زیاتر دەبێت، بە پێی توێژینەوەیەکی زانکۆی پیتسبێرگ، ئەگەر دەتەوێت متمانە لای بەرانبەر درووستبکەیت، لە یەکەمین یەکتر بینین زەردەخە بکە.
7. گەنجتر لە تەمەنی خۆت دەردەخات، %63ی ئەو کەسانەی لە وێنە پێدەکەن، گەنجتر دەردەکەون. [1]