ناونیشانی بابەت: کەی ئازاری سووڕی مانگانە پێویستی بە پشکنین و ڕاوێژی پزیشکی پسپۆڕ هەیە؟
ئامادەکردن و نووسین: د. #کەژان کاوە تەها#
ئازاری سووڕی مانگانە لە زۆربەی خانمان مامناوەندە و بەزۆری لە بەشی خوارەوەی سک و پشت و ناوەوەی ڕان هەستی پێ ئەکرێت، لەوانەیە هەندێک جار دڵ تێکچوون یاخود سکچوونی لەگەڵ بێت و بۆ ماوەی ڕۆژێک یان
دوو ڕۆژ بەردەوام دەبێت بەڵام لە حاڵەتی ئاسایی هیچ کام لەم نیشانانە بە جۆرێک نین کە خانمەکە بەرگەی نەگرێت.
لەکاتی بوونی یەکێک لەمانە باشترە سەردانی پزیشکەکەت بکەیت:
1- کاتێک ئەم ئازارە بە جۆرێک بێت کە بە ڕادەیەک توند بێت خانمەکە نەتوانێت کاری ئاسایی ڕۆژانەی ئەنجامبدات.
2- ئەگەر ماوە و توندی ئازارەکە زیادی کردبێت بە بەراوردی پێشتر.
3- ئەگەر سەرەڕای بەکارهێنانی دەرمانی ئازارشکێن ئازارەکە هەر بەردەوام بێت. [1]