#نێچیرڤان بارزانی#، سەرۆکی هەرێمی کوردستان بۆ بەشداریکردن لە ڕێوڕەسمی یادکردنەوەی تیرۆرکردنی محەمەد باقر حەکیم ناسراو بە شەهیدی میحراب گەیشتە #بەغدا#ی پایتەختی ئێراق.
پێشنیوەڕۆی ئەمڕۆ شەممە #13-01-2024#، لە شاری بەغدا بە بەشداری نێچیرڤان بازرانی، سەرۆکی هەرێمی کوردستان، #لەتیف ڕەشید#، سەرۆک کۆماری ئێراق، محەمەد شیاع سوودانی، سەرۆک وەزیرانی ئێراق و بەرپرسانی حیزبی ڕێوڕەسمی ساڵیادی تیرۆرکردنی محەمەد باقر حەکیم ناسراو بە شەهیدی میحراب دەست پێدەکات.
محەمەد باقر موحسین حەکیم لە #08-07-1939# لە شاری نەجەف لە دایکبوو، کوڕی موحسین حەکیم مەرجەعی دیاری شیعەکان و دامەزرێنەری ئەنجوومەنی باڵای ئیسلامی بوو و لە #29-08-2003#، دوای دەرچوونی لە مەزاری عەلی کوڕی تاڵیب لە شاری نەجەف لە تەقینەوەی ئۆتۆمبێلێکدا لەگەڵ 85 کەسی دیکە گیانی لەدەست دا. ساڵانە بە بەشداری گەورەی بەرپرسان یادی تیرۆرکردنی دەکرێتەوە. [1]