تیپی تۆپی پێی #یانەی وەرزشی پێشمەرگەی سلێمانی# بۆ وەرزی نوێ خولی یانە پلە یەکەکانی ئێراقی دەستی بە ئامادەکارییەکان کردووە بە ئامانجی گەیشتن بە ڕیزی یانە پلە نایابەکانی ئێراقی، یانەکە ئەم وەرزەش گرێبەستی لەگەڵ کۆمەڵێک لە یاریزانانی ناوخۆ و ئێراقی و بیانی کردووە بۆ ئەوەی بتوانێ ئامانجەکەی بپێکێ، بۆ ئەم مەبەستەش کارگێڕیی یانەکە کەمپێکی مەشقی بۆ یانەکە لە شاری #هەولێر# ڕێکخستووە بە هیوای باشتر خۆئامادەکردنی تیپەکەیان، یانەکەش بەفەرمی گرێبەستی لەگەڵ هەر یەک لە یاریزانان (وەدودویاقوبی غانی لە هێڵی ناوەند، کینگلسلی ئۆبۆمێنێ نێجێری لە هێڵی بەرگری، حسێن نەجم لە #یانەی وەرزشی دهۆک# ، عەلی حسێن لە یانەی نەفتی بەسرا، هاوکار جەمال لە #یانەی وەرزشی سەیدسادق# ، دانا مستەفا لە #یانەی وەرزشی نەورۆز#، جۆستیس ئانانی غانی، محەمەد تەقی بە یانەی مەسافی جنوب، دیار کاکەبرا لە #یانەی وەرزشی دەربەندیخان# ، ستیڤن کوادۆ سارڤۆی غانی لە یانەی حدود، ئیبراهیم محەمەد لە یانەی نەورۆز، ڕەعد فەنەر لە کەربەلا) یانەکەش ئەم وەرزە دەیەوێت بە شێوازێکی دیکە خۆی ئامادە بکات و کارگێڕی یانەکەش پاڵپشتی تەواوی تیپەکە دەکات بۆ سەرکەوتن بۆ خولی پلە نایابی ئێراقی.
[1]