پارێزگەھا #ھەولێر#ێ ژ ئیرۆ ڤە 3 رۆژ وەک شینا گشتی ل سینۆرێ پارێزگەھا ھەولێرێ راگھاند.
پارێزگارێ ھەولێرێ ئومێد خۆشناو د داخویانیەکێ دە گۆت: “ژ بەر ئێریشێن نەرەوایێن ھێزێن ئیرانێ شەڤا بۆری ل سەر باژارێ ھەولێرێ، کو د ئەنجامێ دە 4 وەلاتیێن سڤیل شەھید بوون و 6 وەلاتیێن دن ژی بریندار بوون، ئەم سەرساخیێ ژ مالباتێن شەھیدان رە دخوازن و ژ خوەدێ داخوازکارن کو شەھیدێن ڤێ ئێریشا تەرۆریستی، ب بھەشتێ شاد بکە و شفایێ ژ برینداران رە دخوازن.”
ھەروھا د داخویانیێ دە ھاتیە: “ئەم ب توندی ڤێ ئێریشا نەرەوا و زالم، کو بێ ھنجەت و بنگەھ خەلکێ سڤیل و بێگونەھ کرنە ئارمانج، شەرمەزار دکن. ئەم ژ ئیرۆ ڤە ل پارێزگەھا ھەولێرێ سێ رۆژان وەک شینا گشتی رادگەهینین.”
شەڤا بۆری (دوشەمبێ، 15/1/2024) چەند دەڤەرێن سڤیلان ل ھەولێر و دەردۆرا وێ ب چەند مووشەکێن بالستی و درۆنان ھاتن ئارمانجکرن. پشترە ژی پاسدارێن ئیرانێ بەرپرسیاریا ئێریشان گرت سەر خوە. [1]