جەولەی حەوتەم و کۆتایی قۆناغی یەکەمی هەشت تیمی خولی نایابی بالەی یانەکانی ئێراق کۆتایی هات و لەو جەولەیەدا و لە یاری لوتکە پێشمەرگە توانی سەرکەوتنێکی گرنگ دەستەبەر بکات دوایی ئەوەی لە مەسافی شیمالی بردەوە.
لە سێتی یەکەم یانەی مەسافی شیمال توانیان بە ئەنجامی (23 -25) خاڵ براوەبن و هەرچی لە سێتی دووەم بوو پێشمەرگەکان بە گڕوتینێکی جیاواز بینران و بە ئەنجامی (26 -24) خاڵ بردنەوەیان یەکلا کردەوە.
ئەمە و لە سێتی سێیەمی یارییەکەدا دووبارە ئاستی یاریزانانی پێشمەرگە بەهێزتر بینران و بە ئەنجامی (25 -20) خاڵ ئەو سێتەشیان بردەوە.
هەرچی لە سێتی چوارەم و کۆتایی بوو، پێشمەرگەکان، پێشمەرگە ئاسا پاڵەوان بوون و تەنیا 12 خاڵ یان بەخشییە یانەی ڕکابەریان و بە ئەنجامی 25 -12 خاڵ سەرکەوتنیان مسۆگەر کرد.
[1]